脆脆泰式蝦餅

最近忙於做 part-time 嘅全職湊仔婆，所以無時間寫 bolg ，原來全職煮飯婆一啲都唔易做。

好啦 ! 發完牢騷就做番啲自己鍾意嘅小食去鼓勵一下，喺呢啲時刻最好係食脆卜卜嘅嘢，咁今次就同大家講『蝦餅』， MY FAVOUR !!!!!!!!!! :)

材料 : (2 人份量)

蒜頭 : 5 粒
白胡椒 : 1 茶匙
中蝦 : 500 克
豉油 : 2 湯匙
蛋黃 : 1 隻
砂糖 : 1 湯匙
麵包糠 : 適量
食油 : 適量

做法 :
把蒜頭和白胡椒舂碎備用
中蝦切成小粒，加入豉油、蛋黃、砂糖、以及剛才搗成的蒜頭胡椒醬
用手攪拌蝦膠，直至醬料均勻、蝦膠有黏性即可，一般需時 15 分鐘左右
用手唧成一小蝦球，稍稍拍扁成餅狀，然後兩面沾上麵包糠備用
燒滾油，轉中火，然後放入蝦餅，炸七分鐘左右至兩面金黃即成


試試好唔好食喇 。

燻魚插圖

昨晚做咗燻魚，當然好好味，千其唔好見佢黑咗啲，但係相當唔錯，你哋試咗未 ???

木糠布丁心得篇

大家唔知試做木糠布丁未呢 ?

如果做咗，好唔好食呢 ?

又可能跟著做又發現忌廉唔夠硬做唔到，咁就要加小小魚膠粉去改善此情況，但係一定不要加太多，如果唔係就會影響整體口感，呢個就係我第一次做嘅時候親身經歷然後發現嘅小心得，大家可以再試試，一定可以做到。

個人意見，木糠布丁最好配咖啡，大家不妨試一試。

木糠布丁

序 :

曾經有一陣子好時興木糠布丁，係我仲回味嘅時候，人人對佢嘅熱情就已經消失了，再無人提起木糠布丁個名，但係始終佢都係好食嘅嘢，不過就一直都係澳門較香港做得好，所以我特別到找食譜，係一個偶然嘅機會搵到，好簡單，而且試過可以有澳門八成水準，最緊要係好快脆，有朋友上門都可以叻番次。



材料：

175 克雀巢忌廉 6 罐
400 克煉奶 1 罐
餅乾 (馬利餅) 打碎 - 適量

做法：

忌廉同煉奶倒入大碗內，用打蛋器打成忌廉狀，餅乾打碎成粉末狀，一層忌廉狀加一層餅乾粉末，如是者做二三層，跟著放入雪柜雪最少 4 個鐘，食前可在頂層再加餅乾粉末即可

燻魚續篇

試過做燻魚未 ???

做嘅時記得要將魚腩切厚件，唔好以上為細細件好樣啲，我第一次做就係以為細件精緻啲，點知就散哂炸唔起。仲有，最好炸魚腩前先用布抹亁魚身，炸起嚟就無彈油彈得咁恐怖，如果你真係怕咗啲油，就最好用玻璃蓋做擋箭牌，既可保護又可睇到炸魚情況，你話係唔係高呢 ? 哈哈 !!!

燻魚做完後，下次不如做個甜品食吓，咁就做木糠布丁，等我去準備一下材料再同你講。

自做燻魚

以前上海菜館隨時可以食到好好味嘅燻魚，但係近年來正宗嘅上海菜館已經死得差不多了，要食不易，所以希望可以同兄弟姊妹們提出一個簡單燻魚做法，好等我們懷舊一吓。

首先材料：
鯇魚腩　：　１．５斤　（要大鯇魚）
薑　：　適量
蔥　：　適量

汁　：
生抽　：　４湯匙
老抽　：　１湯匙
麻油　：　少許
糖　：　４．５湯匙
鹽　：　１／４茶匙
水　：　１．５杯
八角　：　２粒

做法　：
鯇魚腩斬件，用生抽，紹興酒，胡椒粉，鹽醃半小時
薑、蔥起鑊，倒汁入鑊，慢火煮至汁杰
當汁開始杰時，另一鑊用滾油炸魚至金黃
拿起炸好魚腩放入煮杰的汁鑊，令魚腩沾滿汁便可